De figuur van't bestaan, de draad van et leven. Natuur bouwt zich ip door zin fotosynthese.
Ma 't uur is geslagen, 't kwaad is bewezen. Stikske per stik is den aardbol aan't breken.

Da kuje nie negeren, toch gaat et in de doofpot. Onrechtstreeks zin we bezig mee ne rooftocht.
We plukken alles kaal, we vissen alles leeg. We vluchten van oes afval dus we dumpen't in de zee.

F*ck 't is gemenig, we snakken naar meer. We willen zakken vullen, pakken wa we kunnen, 't is te wreed.
'k Lope ip min ongemakken, dus ik trap naar iedereen. Ma 'k wijs ook anar mezelve want ik werpe nooit den eerste steen.

We moen't beseffen da die shit gewoon verkeerd is. De knop omzetten dat er toch nen ommekeer is.
We moeten stoppen met de schuld weg te schuvvn, 't is tijd om te bewijzen da ne echte mens geleerd is.

Dus laat oes alsjeblief oes denken te verbreden, Dankbaar zijn voor alles daw in't leven en gekregen.
Materialistische gedachtes in de ruimte laten zweven. Laat voor ene keer et primaire overheersen.

Terug naar de beginning, terug naar de roots, waar da alleman gelijk was en respect had voor zin broers.
Want da's wa dawe zin, een grote kudde schapen, allemaal ip zoek om et in't leven waar te maken.

Damn... A'k der teveel bie stille sta, kan'k nie stoppen van te peizen da de weireld ga vergaan.
Alles ipkroppen zal die shit nie laten stoppen, f*cken alles liever op dan al de chaos ip te lossen.

Wa is d'oplossing? ik weet et echt nie... volgens mien is't al teverre door de technologie.
We worden dommer met de dagen en 't besef komt er nie. De machines nemen over, 't is de mens da verliest.

REFREIN:
't onderwerp is delicaat, spijt komt te laat, de wereld gaat eraan.
En als't zoverre is, wa gaan we doen dan?
x2

Ik e ne hekel an't systeem, 't werkt alleen maar voor elite. De rest leeft in ne waas waar da de waarheid wordt verspiegeld.
Want we weten van niks, al peist iedereen et toch te weten. Maar ajder in verdiept ziej daw geen recht en om te spreken.

We zijn de slaven van ip geld-gerichte politiek. Ze willen zogezegd et beste, maar die shit geloof ik nie.
Ik ben geript langs alle kanten, 'k ga gaan werken lik ne zot om et bos weer door de bomen te zien.

Maar alles da'k verdien meug'k afgeven. Ik draai me kloten af voor nieten, daarom haat ik ip't systeem.
Zelfs flikken zin nie beter, en ik ton ma geloven da bie zudr oeze veiligheid primeert?

't is zo verschrikkelijk hoe da de wereld zich ontwikkeld, daarom wil'k terug naar die tijd toen da'k e kind was.
Toen da me wereld zorgeloos en zo bemind was. Nu ben ik 22, hopeloos en al die shit zat.